၂၀၂၆ မတ်လ ၉ ရက်
(Fact-check / သျှမ်းသံတော်ဆင့်၊ The Red Flag)
လူမှုကွန်ရက်စာမျက်နှာများတွင် NUG နိုင်ငံခြားရေးဝန်ကြီး ဒေါ်ဇင်မာအောင် ဖမ်းဆီးခံလိုက်ရပြီဟုဆိုကာ ရုပ်သံဗီဒီယိုတစ်ခု ပျံ့နှံ့နေသည်။
အဆိုပါရုပ်သံကို “Big Star MeMe” အမည်ရှိ လူမှုကွန်ရက်စာမျက်နှာတစ်ခုမှ မတ်လ ၄ ရက်နေ့တွင် စတင်ဖြန့်ချိခဲ့ခြင်း ဖြစ်ပြီး ကြည့်ရှုသူ ၁၂,၀၀၀ ကျော်နှင့် ပြန်လည်မျှဝေသူ ၄၀၀ ကျော် ရှိခဲ့သည်။
သတင်းအမှား ဖြန့်ဝေသော လင့်ခ် – https://archive.ph/BwbSs
သတင်းစိစစ်ချက်
လူမှုကွန်ရက်စာမျက်နှာများပေါ်မှ ပျံ့နှံ့နေသာ ဗီဒီယိုကို MFCN အဖွဲ့ဝင် သျှမ်းသံတော်ဆင့်၏ အချက်အလက် စစ်ဆေးသူက အသေးစိတ် စစ်ဆေးကြည့်ရာတွင် ဒေါ်ဇင်မာအောင်၏ မျက်နှာမှာ သဘာဝမကျဘဲ တောင့်တင်းနေခြင်း၊ လှုပ်ရှားမှုနှင့် အသံ ကိုက်ညီမျှမရှိခြင်းတို့ကို တွေ့ရသည်။
၎င်းမှာ AI နည်းပညာကို အသုံးပြုကာ အခြားသူတစ်ဦး၏ ရုပ်သံပေါ်တွင် ဒေါ်ဇင်မာအောင်၏ မျက်နှာကို အစားထိုးထားခြင်းသာ ဖြစ်သည်။
NUG နိုင်ငံခြားရေးဝန်ကြီး ဒေါ်ဇင်မာအောင် ဖမ်းဆီးခံရသည့်သတင်းကို BBC, RFA, DVB နှင့် Mizzima စသည့် ယုံကြည်စိတ်ချရသော ပြည်တွင်းပြည်ပ သတင်းဌာနများတွင် တစ်စုံတစ်ရာ ဖော်ပြထားခြင်း မရှိပါ။
ဒေါ်ဇင်မာအောင်၏ တရားဝင် Facebook စာမျက်နှာနှင့် အမျိုးသားညီညွတ်ရေးအစိုးရ (NUG) ၏ တရားတင် ထုတ်ပြန်ချက်များတွင်လည်း ဖမ်းဆီးခံရသည်ဟု ဖော်ပြထားခြင်းမရှိဘဲ ပုံမှန်လုပ်ငန်းဆောင်တာများကို ဆက်လက် လုပ်ဆောင်နေသည်ကို တွေ့ရသည်။
ဒေါ်ဇင်မာအောင်၏ တရားဝင် Facebook – https://www.facebook.com/officialzinmaraung
NUG ၏ တရားဝင်ထုတ်ပြန်သည့် Page – https://www.facebook.com/NUGmyanmar
အဆိုပါဗီဒီယိုကို စတင်ဖြန့်ဝေသူများမှာ သတင်းဌာနအတုများ၊ ဝါဒဖြန့်ရန် ရည်ရွယ်သည့် အကောင့်တုများနှင့် Clickbait (ဝင်ကြည့်သူများစေရန် လိမ်လည်ရေးသားခြင်း) လုပ်ဆောင်နေသည့် ချန်နယ်များသာ ဖြစ်သည်ကို တွေ့ရသည်။
သုံးသပ်ချက်
ထိုကြောင့် ဒေါ်ဇင်မာအောင် ဖမ်းဆီးခံရသည်ဆိုသည့် ရုပ်သံသည် AI နည်းပညာသုံး၍ လုပ်ကြံဖန်တီးထားသော သတင်းအမှားသာ ဖြစ်သည်။
အများပြည်သူများအနေဖြင့် ထိတ်လန့်စိုးရိမ်ဖွယ် သတင်းများကို တွေ့ရှိပါက ခိုင်လုံသော သတင်းဌာနများတွင် တိုက်ဆိုင်စစ်ဆေးပြီးမှသာ ယုံကြည်ကြရန်နှင့် ဆက်လက်မဖြန့်ဝေကြရန် တိုက်တွန်းအပ်ပါသည်။
စာဖတ်သူတွေအနေဖြင့် သတင်းတု/သတင်းမှား ဖြစ်သည်ဟု သံသယရှိသည် လည်းကောင်း၊ မှန်ကန်သည့်သတင်း ဟုတ်၊ မဟုတ်အတည်ပြု မေးမြန်းလိုသည် လည်းကောင်း၊ Fact Checking ပြုလုပ်ပေးသော သတင်းဌာန/အဖွဲ့ အစည်းတွေ၏ Chat Box မှတစ်ဆင့် သွားရောက်မေးမြန်းကြရန် တိုက်တွန်းလိုပါသည်။
Myanmar Fact-Checking Network အဖွဲ့ဝင်တွေ အချက်အလက်စစ်ဆေးထားတဲ့ သတင်းတွေကို အောက်ဖော်ပြပါ Links ကနေတဆင့် ဝင်ရောက်ဖတ်ရှုနိုင်ပါတယ်။
Website link – https://myanmarfactcheckingnetwork.org
Facebook link – https://www.facebook.com/share/1Cy232FQNo/
