ထိုင်းနိုင်ငံက ရေမချိုးဆိုင်ကယ်ဂိုဏ်းသားတွေကို ပလောင်တွေလို့ သရော်သည့်  သတင်းမှား

ထိုင်းနိုင်ငံက ရေမချိုးဆိုင်ကယ်ဂိုဏ်းသားတွေကို ပလောင်တွေလို့ သရော်သည့်  သတင်းမှား

၂၀၂၅ခုနှစ်၊ နိုဝင်ဘာလ၊ ၂၉ရက်။

(Fact-check _DNA/ The Red Flag) 

ထိုင်းနိုင်ငံ၊ ဖေ့ချဘွန်ခရိုင်အတွင်းက လုံကောင်နဲ့ ခေါင်ခေါ့မြို့နယ်တွေမှာ ရေမချိုးဂိုဏ်းသား (၉၀၀) ကျော်ကို ထိုင်းရဲတပ်ဖွဲ့က ယာဥ်စီးကမ်းချိုးဖောက်မှုနဲ့ ပြီးခဲ့တဲ့ နိုဝင်ဘာလ၊ ၁၁ရက်ကနေ ၂၀ရက် အတွင်း ဖမ်းဆီးခဲ့ပြီး အဲ့ဒီရေမချိုးဂိုဏ်းသားတွေက ပလောင်လူမျိုးတွေလားဆိုတဲ့ လိုရာဆွဲတွေးပြီး လူမျိုးရေးခွဲခြားတာကို အခြေခံတဲ့ သတင်းတခု လူမှုစာမျက်နှာမှာ ပျံ့နှံ့နေပါတယ်။

အဲ့ဒီလူမျိုးရေးခွဲခြားတဲ့အကြောင်းအရာကို စစ်တပ်ဝါဒဖြန့်ချန်နယ် View Of Sue ကနေ စတင်ဖြန့်ဝေထားတာဖြစ်ပြီး ပျံ့နှံ့မှုကလည်း အားကောင်းနေပါတယ်။

https://archive.ph/wlYvj 

ပျံ့နှံ့လာတဲ့အကြောင်းရာကို MFCN အဖွဲ့ဝင်ဖြစ်တဲ့ DNAကနေ စစ်ဆေးကြည့်တဲ့အခါမှာ “နမ်းမိုက်အတ်” လို့ခေါ်တဲ့ ရေမချိုးဘဲခရီးထွက်ဆိုတဲ့အဖွဲ့က ထိုင်းနိုင်ငံတဝှမ်းမှာရှိတဲ့ လူငယ်တွေနဲ့ဖွဲ့စည်းထားတာဖြစ်တာကို တွေ့ရပါတယ်။

သတင်းစိစစ်ချက်

ဖက်ချာဘွန်းပြည်နယ်၊ လုံးကော့မြို့နယ်နဲ့ ခါးခိုးမြို့နယ်တွေမှာ ပြီးခဲ့တဲ့ နိုဝင်ဘာလ ၂၂ ရက်နဲ့ ၂၃ ရက်က  “No Water Trip”လို့ခေါ်တဲ့ “ရေမချိုးဂိုဏ်း” ဆိုတဲ့ပြိုင်ပွဲအတွက် ဆိုင်ကယ်နဲ့ကားတွေစုဝေးခဲ့ပြီး ပြိုင်ပွဲဝင်ခဲ့ကြတယ်ဆိုတဲ့အကြောင်း ข่าวเวิร์คพอยท์ 23 ကပြီးခဲ့တဲ့ နိုဝင်ဘာ ၂၄ရက်ကသတင်းတင်ဆက်ထားပါတယ်။

ข่าวเวิร์คพอยท์ 23 – https://youtu.be/DopRfOADzDw?si=wpsIZJaEQ7Qk5xun 

ထိုင်းနိုင်ငံမှာ အများပြည်သူဆိုင်ရာလမ်းတွေအပေါ်မှာ တရားမဝင်ဆိုင်ကယ်ပြိုင်ပွဲတွေကို နှိမ်နှင်းရေးဗဟိုဌာနကနေ ပြီးခဲ့တဲ့ နိုဝင်ဘာလ၊ ၁၁ရက်ကနေ ၂၀ရက်အတွင်း ခေါင်းဆောင်ရဲချုပ် ဒမ်းရောင်းဆက် ဦးဆောင်ပြီး ၁၀ရက်တာ စစ်ဆင်ရေးကို ဆောင်ရွက်ခဲ့ပြီး လမ်းတွေမှာ ဆိုင်ကယ်ပြိုင်တာ၊ လစ်လျူရှုမောင်းနှင်းတာတွေအတွက် လူပေါင်း ၉၂၂ဦးကို ဖမ်းဆီးခဲ့တယ်လို့ Bangkok Post ကသတင်းရေးသားထားပါတယ်။

Bangkok Post – https://www.bangkokpost.com/thailand/general/2219611/thousands-of-motorcycles-seized-in-street-racing-crackdown 

တရားမဝင် လမ်းမပေါ်ဆိုင်ကယ်ပြိုင်ပွဲဝင်သူတွေထဲမှာ အသက်၁၈အောက် ဆိုင်ကယ်မောင်းနှင်သူတွေပါ ပါဝင်နေခဲ့တာကြောင့် မိဘပေါင်း ၂,၅၇၅ဦးကို တရားရေးကနေ စောင့်ကြည့်( Probation) တာမျိုးပြုလုပ်ခဲ့ပြီး ဆိုင်ကယ်နဲ့ ကားပေါင်း (၂၀,၀၀၀) စီး ခန့်ကိုလည်း ထိန်းသိမ်းခဲ့တယ်လို့ ထိုင်းသတင်းဌာနတခုဖြစ်တဲ့ Thaigerမှာ သတင်းဖော်ပြထားပါတယ်။

Thaigar – https://thethaiger.com/hot-news/crime/hundreds-arrested-thousands-of-motorbikes-seized-in-street-racing-crackdown 

သုံးသပ်ချက်

ရေမချိုးဂိုဏ်းဆိုတဲ့ ဆိုင်ကယ်နဲ့ကား ပြိုင်ပွဲမောင်းနှင်းသူတွေက ထိုင်းနိုင်ငံတဝှမ်းမှာရှိတဲ့ လူငယ်တွေနဲ့ စုဖွဲ့ထားတဲ့ ယာဥ်ပြိုင်ပွဲဝင်သူတွေဖြစ်ပြီး အဲ့ဒီသူတွေက သူတို့ပြိုင်ပွဲဝင်ခရီးထွက်နေချိန်တွေမှာ ရေ လုံးဝချိုးမှာမဟုတ်ဘူးဆိုတဲ့ ရည်ရွယ်ချက်နဲ့ သူတို့ရဲ့ ပြိုင်ပွဲစုဝေးမှုကို နာမည်ပေးထားတာဖြစ်ပါတယ်။

အဲ့ဒီလိုနာမည်ရေးသားမှုကိုကြည့်ပြီး ရေမချိုးဂိုဏ်းသားတွေက ပလောင်(တအာင်း)လူမျိုးတွေလားလို့ရေးသားတာဖြန့်ဝေနေတာက သရော်လှောင်ပြောင်သည့် သတင်းမှားမျိုး ဖြစ်သလို၊ လူမျိုးရေးခွဲခြားတဲ့ အမုန်းစကားဖြန့်ဝေတဲ့သဘောဖြစ်တာကိုတွေ့ရပါတယ်။

မြန်မာနိုင်ငံ ဥပဒေအရ လူမျိုးရေး၊ ဘာသာရေး မုန်းတီးမှုဖြစ်စေတဲ့ စာသားတွေ ဖြန့်ဝေတာက ရာဇသတ်ကြီး ပုဒ်မ ၅၀၅(ဂ) နဲ့ ဆက်သွယ်ရေးဥပဒေ ပုဒ်မ ၆၆(ဃ) တို့နဲ့ ထိရောက်နိုင်ပါတယ်။
ဒါက တရားဝင် ရာဇဝတ်မှုတစ်ခုပါ။

ဒီလို စာသားတွေကို ကိုယ်တိုင်ရေးတာ၊ ကူးယူဖြန့်တာ၊ ရယ်မောတာဟာ လူမျိုးရေးခွဲခြားမှုကို ပံ့ပိုးနေတာ၊ မုန်းတီးမှုကို ပိုပြင်းထန်လာအောင် လုပ်နေတာဖြစ်ပါတယ်။

ဒါကြောင့်ဒီကနေ့ခေတ်ဟာ ဆိုရှယ်မီဒီယာခေတ်ဖြစ်တဲ့အတွက် အဲဒီဆိုရှယ်မီဒီယာတွေပေါ်မှာ အကြောင်းအရာ တခုခုကို ပုံဖျက်ဖို့၊ ဝါဒဖြန့်ဖို့၊ ကိုယ်ကျိုးရှာဖို့ ရည်ရွယ်ပြီး သတင်းအတု၊ သတင်းအမှားတွေကို ရည်ရွယ် ချက်ရှိရှိ ဖြန့်ဝေနေကြတာကြောင့် အလွယ်တကူ မယုံကြည်ဖို့၊ ပြန်ပြီး မမျှဝေကြဖို့ အကြံပြုလိုပါတယ်။

 စာဖတ်သူတွေအနေနဲ့ သတင်းတု/သတင်းမှား ဖြစ်တယ်လို့ သံသယရှိရင်ပဲဖြစ်ဖြစ်၊ မှန်ကန်တဲ့သတင်း ဟုတ်၊ မဟုတ်အတည်ပြု မေးမြန်းလိုရင်ပဲဖြစ်ဖြစ်၊ Fact Checking ပြုလုပ်ပေးတဲ့ သတင်းဌာန/အဖွဲ့ အစည်းတွေရဲ့ Chat Box ကနေ သွားရောက်မေးမြန်းကြဖို့ တိုက်တွန်းလိုပါတယ်။ 

Myanmar Fact-checking Network အဖွဲ့ဝင်ဖြစ်တဲ့ DNA Fact Check  အဖွဲ့ကိုလည်း Facebook page ကနေဆက်သွယ်မေးမြန်းနိုင်သလို ဒီနေရာ (dnafactcheck @gmail.com)ကနေ လည်း ဆက်သွယ်မေးမြန်းပြီး အချက်အလက်စစ်ဆေးပေးဖို့ တောင်းဆိုနိုင်ပါတယ်။

Myanmar Fact-checking Network အဖွဲ့ဝင်တွေ အချက်အလက်စစ်ဆေးထားတဲ့ သတင်းတွေကို ဒီနေရာမှာ ဝင်ရောက်ဖတ်ရှုနိုင်ပါတယ်။ 

Myanmar Fact-checking Network အဖွဲ့ဝင်တွေ အချက်အလက်စစ်ဆေးထားတဲ့ သတင်းတွေကို ဒီနေရာမှာ ဝင်ရောက်ဖတ်ရှုနိုင်ပါတယ်။ 

Web – https://myanmarfactcheckingnetwork.org/   

Fb – https://www.facebook.com/myanmarfactcheckingnetwork 

#DNAFactCheck #DNA #MFCN #FactCheck #တအာင်း #Noshowertrip#အမုန်းစကား #လူမျိုးရေးခွဲခြား #သတင်းမှားဝါဒဖြန့်