ကျောက်မဲမှာ TNLAတပ်သားတွေစုဝေးနေလို့ စစ်ကောင်စီ ဗုံးကြဲတိုက်ခိုက်ခဲ့ဆိုတဲ့သတင်မှား
(Fact-Check) DNA – The Red Flag
ဩဂုတ်လ၊ ၃၁ရက်။
ရှမ်းပြည်နယ်မြောက်ပိုင်း၊ ကျောက်မဲမြို့နယ်၊ ပန်းသပြေရွာက ဘုန်းကြီးကျောင်းတကျောင်းကို ပြီးခဲ့တဲ့ ဩဂုတ်လ၊ ၁၉ရက် ည ၁၀နာရီမှာ စစ်ကောင်စီဘက်က လေကြောင်းတိုက်ခိုက်ခဲ့ပြီး တအာင်းတပ်မတော် – TNLA တပ်သားတွေစုဝေးနေတာကြောင့် လေကြောင်းတိုက်ခိုက်ခဲ့တာဖြစ်တယ်ဆိုတဲ့သတင်းမှားတခု လူမှုကွန်ရက်စာမျက်နှာတွေမှာ ပျံ့နှံ့နေပါတယ်။
အဲ့ဒီအကြောင်းရာကို Khin San ဆိုတဲ့ လူမှုကွန်ရက်စာမျက်နှာကနေ “ပန်သပြေရွာ တွင် အကြမ်းဖက် tnla သူပုန်များ စုဝေးရောက်ရှိနေကြောင်း ပြည်သူများမှ သတင်းပေးလာသဖြင့်လေကြောင်းဖြင့် ဗုံး ၄လုံးကြဲချခဲ့ကြောင်း” ဆိုတဲ့ (မူရင်းအတိုင်း) စတင်ဖြန့်ဝေထားပြီး စစ်ကောင်စီလော်ဘီချန်နယ်တွေနဲ့ စစ်ကောင်စီအားပေးထောက်ခံသူတွေကြားမှာ ပြန်လည်မျှဝေနေကြတာကြောင့် ပျံ့နှံ့မှုအားကောင်းနေပါတယ်။
သတင်းမှားလင့်များ
ပျံ့နှံ့နေတဲ့အကြောင်းရာကို MFCN အဖွဲ့ဝင်ဖြစ်တဲ့ DNA Fact Check အဖွဲ့ကနေစစ်ဆေးကြည့်တဲ့ခါမှာ စစ်ကောင်စီဘက် ပန်သပြေရွာ ဘုန်းကြီးကျောင်းကို လေကြောင်းတိုက်ခိုက်ခဲ့တာဖြစ်ပြီး အဲ့ဒီတိုက်ခိုက်မှုကြောင့် ဆရာလေးတပါး အပါဝင် အရပ်သားပြည်သူတချို့ထိခိုက်သေဆုံးခဲ့ရတာကို တွေ့ရပြီး TNLAတပ်သားတွေရှိလို့ လေကြောင်းတိုက်ခိုက်တယ်ဆိုတာ သတင်းမှားဖြစ်ကြောင်းကို တွေ့ရှိရပါတယ်။
သတင်းစိစစ်ချက်
ကျောက်မဲမြို့နယ်က ပန်သပြေကျေးရွာမှာရှိတဲ့ ဘုန်းကြီးကျောင်းထဲကို ပြီးခဲ့တဲ့ ၂၉ရက်၊ ဩဂုတ်လက စစ်ကောင်စီတပ်က ဗုံးကြဲတိုက်ခိုက်ခဲ့တာကြောင့် ဆရာလေးတစ်ပါးအပါအဝင် အမျိုးသမီး ၂ ယောက် သေဆုံးခဲ့ပြီး ၆ယောက် ဒဏ်ရာရရှိခဲ့တယ်ဆိုတာကို ရှမ်းမြောက်အခြေစိုက်မီဒီယာတခုဖြစ်တဲ့ ရွှေဖီမြေသတင်းဌာနက မနေ့က သတင်းရေးသားဖော်ပြထားပါတယ်။
သတင်းလင့် – https://www.facebook.com/share/p/1BNBTkTmvf/
စစ်ကောင်စီက ပန်းသပြေရွာကိုလေကြောင်းတိုက်ခိုက်တဲ့အခါမှာ ပေါင် ၂၅၀ဗုံး ၄လုံးဖြင့် ဗုံးကြဲချတိုက်ခိုက်ခဲ့တာဖြစ်တယ်ဆိုတာကို Karenni People’s Voice သတင်းဌာနမှာလည်း သတင်းရေးသားထားပါတယ်။
သတင်းလင့် – https://www.facebook.com/share/p/17JkCzTPDc/
တိုက်ပွဲဖြစ်ပွားခြင်းမရှိဘဲ လေကြောင်းတိုက်ခိုက်ခဲ့တာဖြစ်ပြီး အရပ်သားထိခိုက်သေဆုံးမှုရှိခဲ့တဲ့အပြင် နေအိမ်အဆောက်အဦး ၄လုံး၊ ကျောင်းဆောင် ၅လုံးနဲ့ ဓမ္မာရုံ တရုံပျက်စီးခဲ့တယ်ဆိုတဲ့အကြောင်း People’s Spring သတင်းဌာနကလည်း သတင်းတင်ဆက်ထားပါတယ်။
သတင်းလင့် – https://www.facebook.com/photo.php?fbid=1104451198420338&set=a.559396182925845&type=3
သတင်းသုံးသပ်ချက်
ကျောက်မဲမြို့နယ်ကို တအာင်းတပ်မတော်- PSLF/TNLAတို့က ထိန်းချုပ်ထားတာမှန်ပေမယ့်လည်း ပန်သပြေကျေးရွာက ဘုန်းကြီးကျောင်းကို TNLAတပ်သားတွေ စုဝေးနေလို့ လေကြောင်းတိုက်ခဲ့တာဆိုတဲ့အကြောင်းအရာမှာ မှားယွင်းနေပါတယ်။
လွတ်လပ်တဲ့သတင်းမီဒီယာဌာနတွေရဲ့ ရေးသားဖော်ပြထားတဲ့သတင်းတွေအရ သီလရှင်တပါးနဲ့ အမျိုးသမီတဦးသေဆုံးခဲ့ရပြီး သံဃာတော်၂ပါး၊ ကိုရင် ၃ပါး၊ အမျိုးသား တဦးထိခိုက်ဒဏ်ရာရရှိခဲ့ခြင်းဖြစ်တာကိုတွေ့ရပါတယ်။
ဒါကြောင့် စစ်ကောင်စီက ကျောက်မဲမြို့ကို တအာင်းတပ်မတော်- PSLF/TNLA ကထိန်းချုပ်ထားတာကြောင့် လေကြောင်းတိုက်ခိုက်ခဲ့တာကိုတွေ့ရှိခဲ့ရပြီး TNLAတပ်သားတွေစုဝေးနေလို့ ဗုံးကြဲတိုက်ခိုက်ခဲ့တယ်ဆိုတာ သတင်းမှားဖြစ်ကြောင်းအတည်ပြုနိုင်ခဲ့ပါတယ်။
ဒီကနေ့ခေတ်ဟာ ဆိုရှယ်မီဒီယာခေတ်ဖြစ်တဲ့အတွက် အဲဒီဆိုရှယ်မီဒီယာတွေပေါ်မှာ အကြောင်းအရာ တခုခုကို ပုံဖျက်ဖို့၊ ဝါဒဖြန့်ဖို့၊ ကိုယ်ကျိုးရှာဖို့ ရည်ရွယ်ပြီး သတင်းအတု၊ သတင်းအမှားတွေကို ရည်ရွယ် ချက်ရှိရှိ ဖြန့်ဝေနေကြတာကြောင့် အလွယ်တကူ မယုံကြည်ဖို့၊ ပြန်ပြီး မမျှဝေကြဖို့ အကြံပြုလိုပါတယ်။
စာဖတ်သူတွေအနေနဲ့ သတင်းတု/သတင်းမှား ဖြစ်တယ်လို့ သံသယရှိရင်ပဲဖြစ်ဖြစ်၊ မှန်ကန်တဲ့သတင်း ဟုတ်၊ မဟုတ်အတည်ပြု မေးမြန်းလိုရင်ပဲဖြစ်ဖြစ်၊ Fact Checking ပြုလုပ်ပေးတဲ့ သတင်းဌာန/အဖွဲ့ အစည်းတွေရဲ့ Chat Box ကနေ သွားရောက်မေးမြန်းကြဖို့ တိုက်တွန်းလိုပါတယ်။
Myanmar Fact-checking Network အဖွဲ့ဝင်ဖြစ်တဲ့ DNA Fact Check အဖွဲ့ကိုလည်း Facebook page ကနေဆက်သွယ်မေးမြန်းနိုင်သလို ဒီနေရာ (dnafactcheck @gmail.com)ကနေ လည်း ဆက်သွယ်မေးမြန်းပြီး အချက်အလက်စစ်ဆေးပေးဖို့ တောင်းဆိုနိုင်ပါတယ်။
Myanmar Fact-checking Network အဖွဲ့ဝင်တွေ အချက်အလက်စစ်ဆေးထားတဲ့ သတင်းတွေကို ဒီနေရာမှာ ဝင်ရောက်ဖတ်ရှုနိုင်ပါတယ်။
Myanmar Fact-checking Network အဖွဲ့ဝင်တွေ အချက်အလက်စစ်ဆေးထားတဲ့ သတင်းတွေကို ဒီနေရာမှာ ဝင်ရောက်ဖတ်ရှုနိုင်ပါတယ်။
Web – https://myanmarfactcheckingnetwork.org/
Fb – https://www.facebook.com/myanmarfactcheckingnetwork
#DNAFactCheck #DNA #MFCN #FactCheck #TNLA #ကျောက်မဲ #လေကြောင်းတိုက်ခိုက် #အရပ်သားထိခိုက်သေဆုံး
