ငလျင်ကယ်ဆယ်ရေးခွေးလေးတကောင်သေဆုံးသွားသယောင်ရေးသားဖြန့်ဝေနေတဲ့သတင်းမှား
ဧပြီလ၊ ၂ရက်။
(Fact Check) DNA/ KSN/ The Red Flag
ငလျင်အတွက်လူရှာ ကယ်ဆယ်ပေးနေတဲ့ ကယ်ဆယ်ရေးခွေးတကောင်သေဆုံးသွားသယောင် ဖြန့်ဝေနေတဲ့ သတင်းတွေ လူမှုကွန်ရက်စာမျက်နှာပေါ်မှာ ပျံ့နှံ့နေပါတယ်။
အဲ့ဒီအကြောင်းအရာနဲ့ပတ်သက်လို့ Tin Tun Vlog Videos ဆိုတဲ့ လူမှုကွန်ရက်စာမျက်နှာကနေ စတင်ဖြန့်ဝေနေတာဖြစ်တာကိုတွေ့ရပြီး reaction ပြုလုပ်သူ ၂၈၆၀၅ဦး၊ comment ရေးသားသူ၈၃၇ဦးနဲ့ ပြန်လည်မျှဝေသူ တထောင်ကျော်အထိရှိနေပြီး ပျံ့နှံ့မှုအားကောင်းနေပါတယ်။
သတင်းမှားလင့်များ –https://archive.ph/Auk1o
ပျံ့နှံ့နေတဲ့အကြောင်းအရာနဲ့ပတ်သက်လို့ MFCN အဖွဲ့ဝင်တွေအနေနဲ့ စစ်ဆေးကြည့်တဲ့အခါမှာ အခြားနိုင်ငံက ဓါတ်ပုံတွေကို အသုံးပြုပြီး ဖြန့်ဝေနေတာကိုတွေ့ရပြီး သတင်းမှားဖြစ်ကြောင်းအတည်ပြုနိုင်ခဲ့ပါတယ်။
သတင်းစိစစ်ချက် ☑️
ပျံ့နှံ့နေတဲ့ အကြောင်းအရာမှာပါဝင်တဲ့ ခွေးကလေးရဲ့ဓါတ်ပုံက bluefamilyfund ဆိုတဲ့ Instagram အကောင့်ကနေ လွန်ခဲ့တဲ့ ဖေဖော်ဝါရီ ၂၁ရက်နေ့က “ဒီ K9 ရဲခွေးက ဆေးခန်းကပြန်လာပြီးတဲ့နောက်သတိအပြည့်နဲ့ နိုးကြားနေဖို့ကြိုးစားနေပေမယ့် သူ့ကိုထိုးပေးလိုက်တဲ့စိတ်ငြိမ်ဆေးကြောင့် ဟောင်ဖို့တောင်အခက်ခဲဖြစ်နေတယ်” လို့ ရေးပြီး တင်ထားတဲ့ရုပ်သံဖိုင်က ဓါတ်ပုံဖြစ်တာကိုတွေ့ရပါတယ်။
Bluefamilyfund – https://shorturl.at/XarbR
ဒုတိယပုံမှာပါတဲ့ K 9ရဲခွေးလေးက Sheriff’s Officeတာဝန်ထမ်းဆောင်နေတဲ့ K9 Rizoလို့ခေါ်တဲ့ ရဲခွေးလေးဖြစ်ပြီး လွန်ခဲ့ မတ်လ၊ ၁၄ရက်နေ့က ကျဆုံးသွားတာဖြစ်တယ်လို့ policedog Instagram အကောင့်မှာ ဖော်ပြထားပါတယ်။
Police dog – https://shorturl.at/oPjtN
ဒါ့အပြင် Pet Rest လို့ခေါ်တဲ့ ဖေ့စ်ဘွက် ပေ့ဂျ်မှာလည်း K9 Rizoအကြောင်းကို မတ်လ ၁၄ရက်မှာရေးသားဖော်ပြခဲ့ပါသေးတယ်။
Pet Rest – https://shorturl.at/0dgNu
သုံးသပ်ချက် ☑️
မြန်မာနိုင်ငံအတွင်းမှာ ငလျင်ကြောင့် စိတ်ထိလွယ်ရှလွယ်ဖြစ်တာကို အသုံးချပြီး သတင်းမှားတွေဖြန့်ချိနေတာပါ။
ဒါ့အပြင် ဖေ့စ်ဘွက်ပေ့ဂျ်တွေမှာ မီတာ( Meta)ရဲ့ ငွေဝင်policy ကြောင့် သတင်းမှားဖြန့်ချိသူတွေက လူစိတ်ဝင်စားမှုရအောင်လုပ်နေတာဖြစ်တာလည်းဖြစ်ပါတယ်။
ငလျင်ကယ်ဆယ်ရေးကြောင့် K9 ရဲခွေးတကောင် အသက်သေဆုံးခဲ့တယ်ဆိုတဲ့ဖော်ပြချက်က သတင်းမှားဖြစ်တာကို အတည်ပြုနိုင်ခဲ့ပါတယ်။
ဒါကြောင့် ဒီကနေ့ခေတ်ဟာ ဆိုရှယ်မီဒီယာခေတ်ဖြစ်တဲ့အတွက် အဲဒီဆိုရှယ်မီဒီယာတွေပေါ်မှာ အကြောင်းအရာ တခုခုကို ပုံဖျက်ဖို့၊ ဝါဒဖြန့်ဖို့၊ ကိုယ်ကျိုးရှာဖို့ ရည်ရွယ်ပြီး သတင်းအတု၊ သတင်းအမှားတွေကို ရည်ရွယ် ချက်ရှိရှိ ဖြန့်ဝေနေကြတာကြောင့် အလွယ်တကူ မယုံကြည်ဖို့၊ ပြန်ပြီး မမျှဝေကြဖို့ အကြံပြုလိုပါတယ်။
စာဖတ်သူတွေအနေနဲ့ သတင်းတု/သတင်းမှား ဖြစ်တယ်လို့ သံသယရှိရင်ပဲဖြစ်ဖြစ်၊ မှန်ကန်တဲ့သတင်း ဟုတ်၊ မဟုတ်အတည်ပြု မေးမြန်းလိုရင်ပဲဖြစ်ဖြစ်၊ Fact Checking ပြုလုပ်ပေးတဲ့ သတင်းဌာန/အဖွဲ့ အစည်းတွေရဲ့ Chat Box ကနေ သွားရောက်မေးမြန်းကြဖို့ တိုက်တွန်းလိုပါတယ်။
Myanmar Fact-checking Network အဖွဲ့ဝင်ဖြစ်တဲ့ DNA Fact Check အဖွဲ့ကိုလည်း Facebook page ကနေဆက်သွယ်မေးမြန်းနိုင်သလို ဒီနေရာ (dnafactcheck @gmail.com)ကနေ လည်း ဆက်သွယ်မေးမြန်းပြီး အချက်အလက်စစ်ဆေးပေးဖို့ တောင်းဆိုနိုင်ပါတယ်။
Myanmar Fact-checking Network အဖွဲ့ဝင်တွေ အချက်အလက်စစ်ဆေးထားတဲ့ သတင်းတွေကို ဒီနေရာမှာ ဝင်ရောက်ဖတ်ရှုနိုင်ပါတယ်။
Myanmar Fact-checking Network အဖွဲ့ဝင်တွေ အချက်အလက်စစ်ဆေးထားတဲ့ သတင်းတွေကို ဒီနေရာမှာ ဝင်ရောက်ဖတ်ရှုနိုင်ပါတယ်။
Web – https://myanmarfactcheckingnetwork.org/
Fb – https://www.facebook.com/myanmarfactcheckingnetwork
