၂၀၂၄ နိုဝင်ဘာလ ၁၄ ရက်၊ သျှမ်းသံတော်ဆင့်/ The Red Flag
သျှမ်းပြည်တောင်ပိုင်း ဖယ်ခုံမြို့အတွင်း စစ်ကောင်စီတပ်ဖွဲ့မှ မြေမြုပ်မိုင်းရှင်းလင်းပြီး မကြာခင် ရက်ပိုင်းအတွင်းမှာ အိမ်ပြန်နိုင်တော့မည်ဟု လိမ်လည်ဝါဒဖြန့်ချိနေပါသည်။
စစ်ကောင်စီအာပေး တယ်လီဂရမ် ဝါဒဖြန့်ချန်နယ်လ်ဖြစ်သည့် ရွှေနေကြာချန်နယ်လ်မှ နိုဝင်ဘာလ ၁၄ ရက်နေ့တွင် ဖြန့်ချိခဲ့ပြီး ထိုသတင်းအမှားကို ကြည့်ရှုသူပေါင်း ၁,၀၀၀ ခန့်ရှိသည်။
၎င်းက “ဖယ်ခုံမြို့အတွင်း တပ်မတော်မှနယ်မြေရှင်းလင်းရေး လုပ်ငန်းစဉ်များ မြို့တွင်း PDF များထောင်ထားသော မိုင်းများနျင့် မီးရှို့ဖျက်ဆီးထားသော နေရာအား ရှင်းလင်းဆောင်ရွက်ပြီးပြီ ဖြစ်ကြောင်း သိရသည်” ဟု (မူရင်းအတိုင်း) ရေးသားဖြန့်ဝေခဲ့သည်။
မူရင်းလင့်ခ် – https://archive.ph/ZPG2p
Myanmar Fact-checking Network အဖွဲ့ဝင် သျှမ်းသံတော်ဆင့် အချက်အလက်စစ်ဆေးသူများ အနေဖြင့် အဆိုပါအကြောင်းအရာ ကို စိစစ်ကြည့်သည့်အခါ လုပ်ကြံရေးသားထားသည့် ဝါဒဖြန့်သတင်းအမှားဖြစ်သည်ကို တွေ့ရသည်။
သတင်း စစ်ဆေးတွေ့ရှိချက်
စစ်ကောင်စီအာပေး တယ်လီဂရမ် ဝါဒဖြန့်ချန်နယ်လ်မှ ဖော်ပြထားသည့်အကြောင်းအရာကို သျှမ်းသံတော်ဆင့်မှ Reverse Image Search Tools ဖြင့် စိစစ်ခဲ့သည်။
ဒေသအတွင်း သတင်းဌာနနှင့် လွတ်လပ်သည့် သတင်းဌာနများ၏ ဖော်ပြချက်အရ ဖယ်ခုံမြို့နယ်အတွင်း အရပ်သားပြည်သူ ၂၀၀ ထက်မနည်းကို စစ်ကောင်စီတပ်ဖွဲ့က မတရားဖမ်းဆီးခဲ့ကြောင်း ဖော်ပြသည်။
နိုဝင်ဘာလ ၁၁ ရက်နေ့က သျှမ်းပြည်တောင်ပိုင်း ဖယ်ခုံမြို့နယ် ပူချယ်ကျေးရွာမှ ကောက်ရိတ် ပြန်လာသော အရပ်သား ၂၀၀ ထက်မနည်းအား ပင်လောင်း-ဖယ်ခုံမြို့နယ်တွင် စစ်ကြောင်းထိုးနေသော စစ်ကောင်စီတပ်က မတရားဖမ်းဆီးခဲ့ကြောင်း KNDF ၏ထုတ်ပြန်ချက်ကို ကိုးကား၍ People’s Spring သတင်းဌာနက နိုဝင်ဘာလ ၁၄ ရက်နေ့တွင် ဖော်ပြသည်။
ဆက်စပ်ဖတ်ရှုရန် သတင်းလင့်ခ် – https://archive.ph/ZHV4j
ဖမ်းဆီးထားသော ပြည်သူ (၂၀၀) ဦးအား စစ်ကောင်စီမှ ပင်လောင်းမြို့ အားကစားရုံးအတွင်း ထိန်းသိမ်းထားကြောင်း KNDF ၏ ထုတ်ပြန်ချက်၌ ဖော်ပြထားသည်။
KNDF ထုတ်ပြန်ချက် – https://archive.ph/dxQmr
လက်ရှိ ဖမ်းဆီးထိန်းသိမ်းခံရသည့် ပြည်သူများကို ကျပ်ငွေ ၃၀,၀၀၀ (သုံးသောင်း) ပေးပြီး ပြန်ရွေးရသဖြင့် လူ ၃ ပုံ ၁ ပုံခန့်မှာ ပြန်လွှတ်လာကြောင်း KNDF ၏ဗဟိုပြန်ကြားရေး တာဝန်ရှိသူ တာအယ်စိုး၏ အတည်ပြုဖြင့် ဗွီအိုအေ (VOA) သတင်းဌာနမှာလည်း ဖော်ပြထားသည်။
သတင်းလင့်ခ် – https://archive.ph/T24A0
Myanmar Now သတင်းဌာနမှ ဖော်ပြသော သတင်းတစ်ပုဒ်တွင် “စစ်ကောင်စီတပ်ကလည်း ၎င်းတို့၏ အမှတ် (၇) စစ်ဆင်ရေး ကွယ်ကဲမှုဌာနချုပ် (စကခ) ရှိရာ ဖယ်ခုံမြို့နှင့် ကရင်နီတော်လှန်ရေးတပ်များ ထိန်းချုပ်ရာ မိုးဗြဲကို အပြည့်အဝထိန်းချုပ်ရန် ထိုးစစ်ဆင်မည့် အခြေအနေရှိနေကြောင်း” PNO နှင့် နီးစပ်သည့် သတင်းရင်းမြစ်၏ အတည်ပြုချက်ဖြင့် ဖော်ပြသည်။
သတင်းအပြည့်အစုံ ဖတ်ရှုရန် – https://shorturl.at/Wgiz7
သုံးသပ်ချက်
လက်ရှိ ဖယ်ခုံမြို့နယ်အတွင်း စစ်ကြောင်းထိုးနေသော စစ်ကောင်စီတပ်နှင့် ကရင်နီတော်လှန်ရေး အင်အားစုတပ်ဖွဲ့ကြား တိုက်ပွဲဖြစ်ပွားနေလျက်ရှိသည်။ ထို့အပြင် ဖယ်ခုံမြို့နယ်အတွင်း စစ်ကြောင်းထိုးနေသော စစ်ကောင်စီတပ်ဖွဲ့ဝင်များသည် ပင်လောင်း-ဖယ်ခုံကြားရှိ ကျေးရွာနှင့် နေအိမ်များကို ဖောက်ထွင်း လုယက်ခြင်း၊ မီးရှို့ခြင်းများ လုပ်ဆောင်နေကြောင်း သတင်းဌာနများက ဖော်ပြသည်။
ထို့ကြောင့် ဖယ်ခုံမြို့အတွင်း စစ်ကောင်စီတပ်ဖွဲ့မှ မြေမြုပ်မှိုင်းရှင်းလင်းပြီး မကြာခင်အိမ်ပြန်နိုင် တော့မည် ဆိုသည့် ဝါဒ ဖြန့်ချိမှုအကြောင်းအရာက မှားယွင်းနေပါသည်။
Myanmar Fact-Checking Network စာဖတ်ပရိတ်သတ်တွေအနေဖြင့် လူမှုကွန်ရက် စာမျက်နှာများတွင် ဖော်ပြနေသည့် သတင်းများကို ချက်ချင်းမယုံကြည်ဘဲ စိတ်ချရသော သတင်းမီဒီယာများမှာ သွားရောက်ဖတ်ရှု့ကြရန် တိုက်တွန်းပါသည်။
သတင်းတု၊ သတင်းမှားဟု ယူဆရသည့် သတင်းတွေကိုလည်း Myanmar Fact-checking Network Facebook Chat Box မှဆစ်ဆင့် သတင်း၏ လင့်ခ် (သို့မဟုတ်) Screenshot ပုံပေးပို့ခြင်းဖြင့် စစ်ဆေးနိုင်ပါသည်။
Myanmar Fact-Checking Network အဖွဲ့ဝင်တွေရဲ့ အချက်အလက် စစ်ဆေးထားသည့် သတင်းတွေကိုလည်း အောက်မှာ ဖော်ပြထားသည် လင့်တွေမှာ ဝင်ရောက်ဖတ်ရှုနိုင်ပါသည်။
